बर्दिया । बर्दियाको बारबर्दिया नगरपालिका वडा नम्बर २ स्थित नारायणपुर खेलमैदानमा भैरहेको वडा अध्यक्ष कप फूटवल प्रतियोगिताको आयोजक वडा नम्बर २ र वडा नम्बर ५ बिच फाईनल खेल हुने भएको छ । शनिवार भएको सेमीफाईनल खेलमा वडा नम्बर २ ले वडा नम्बर ६ लाई र वडा नम्बर ५ ले वडा नम्बर ७ लाई पराजीतगर्दै फाईनलमा पुगेका हुन् ।

सेमीफाईनल खेलमा वडा नम्बर २ ले पेनाल्टी शुटआउनमा १ का बिरुद्ध ४ गोल गरी वडा नम्बर ६ लाई र वडा नम्बर ५ ले १ का बिरुद्ध ३ गोल प्रहारगर्दै फाईनलमा पुगेको खेल संयोजक सरोज थारुले जानकारी दिनुभयो । वडा नम्बर २ र ५ का बिच आईतबार दिउँसो १२ बजे खेल हुने बताईएको छ । वडा नम्बर २ को आयोजना तथा जनचेतना क्लब बारबर्दियाको सहआयोजनामा गरिएको फूटबल प्रतियोगिताको लक्ष्मी बालुवा प्रशोधन उद्योग बारबर्दिया मुख्य प्रायोजक रहेको छ ।  वडा स्तरिय खेलकुद विकास समिति वडा नम्बर २ बारबर्दियाले खेलको समन्वय गरेको हो । 

स्वास्थ्यको लागि खेलकुद, राष्ट्रको लागि खेलकुद भन्ने नारासहित शुरु गरिएको प्रतियोगिताको फाईनल खेल कार्तिक २६ गने हुने संयोजक थारुले जानकारी दिनुभयो । फिफाको नियम अनुसार नकआउट आधारमा खेलाईने प्रतियोगिताको विजेता टीमलाई ३० हजार (करसहित), उपविजेता टिमलाई २० हजार (करसहित) कप, मेडल र प्रमाण पत्र तथा वेष्ट किपर, उदयमान खेलाडी, वेष्ट डिफेनस, बढी गोल गर्ने ४ जनालाई कप, मेडल र प्रमाण पत्र प्रदान गरिने बताईएको छ ।

पालिकाको ११ वटा टीम र आयोजक गरी १२ वटा टीम प्रतिस्पर्धामा भिड्दै छन् । फूटवल खेलको उद्घाटन गर्दै प्रमुख अतिथी लुम्बिनी प्रदेसका सांसद एवम् नेपाली काँग्रेसका प्रमुख सचेतक जन्मजय तिमिल्सिनाले खेलाडीहरुको प्रर्बद्धन एवम मनोवल बढाउन जस्तोसुकै सहयोग गर्न पनि आफू तयार रहेको बताउनु भएको छ ।