हरि गुरुङ, १० असार, मधुवन (बर्दिया) बर्दियाको मधुवन नगरपालिका वडा नं–३ आधारभुत स्वास्थ्य केन्द्रमा एकदिने निःशुल्क मधुमेह (सुगर) तथा थाइराइड जाँच शिविर सम्पन्न भएको छ । एभरेस्ट इन्टरनेशनल पोलिक्लिनिक एण्ड डाग्नोष्टिक सेन्टर प्रा.ली. नेपालगन्ज बाँकेको आयोजना तथा आर्थिक सहयोग र मधुवन नगरपालिका स्वास्थ्य शाखाको समन्वयमा शिविर सम्पन्न भएको छ ।

निःशुल्क स्वास्थ्य जाँच शिविरमा १ सय ६० जना महिला, ८४ जना पुरुष गरि जम्मा २ सय ४४ जना सेवाग्राहीले सेवा लिएको सुर्यपटुवा स्वास्थ्य चौकीका सिनियर अहेव संजिप पन्जियारले जानकारी दिनु भएको छ । 

निःशुल्क स्वास्थ्य जांच शिविरमा मधुवन नगरपालिकाका स्वास्थ्य शाखा संयोजक गिता घिमिरे, सह–संयोजक मणिराम आचार्य, सिनियर अहेव संजिप पन्जियार, अहेव अजय चौधरी र अनमी नविना श्रीष मगरले सेवाग्राहीहरुलाई सेवा दिएको सिनियर अहेव पन्जियारले बताउनु भएको छ ।