मुरली गोडिया, १० मंसिर, बर्दिया । बर्दियाको गुलरियामा भैरहेको बर्दिया कप क्रिकेट प्रतिस्पर्धाको दोस्रो दिनको खेलमा कृष्णसार युवा क्लव र बर्दिया क्रिकेट एकेडेमी ए विजयी भएका छन । जिल्ला आइतबार भएको पहिलो चरणको खेलमा टस जितेर बर्दिया क्रिकेट एकेडेमी बी ले पहिलो व्याटिङ गरेको थियो । 

निर्धारित १७ ओभरमा बर्दिया क्रिकेट एकेडेमी बी ले ७३ रन जोड्न सफल भएको थियो । ७४ रनको लक्ष्य पछ्याएको कृष्णसारले १३ दशमलव ३ ओभरमा ४ बिकेट गुमाई ६ विकेटले खेल जित्न सफल भयो । पहिलो खेलका म्यान अफ दि म्याच कृष्णसारका अनुज सिंह ठकुरी घोषित भएका थिए । दोस्रो खेलमा बर्दिया क्रिकेट एकेडेमी (ए) र राजापुर नगरपालिका बीच खेल भएको थियो । पहिलो ब्याटिङ्ख गर्दै बर्दिया एकाडेमी (ए) ले निर्धारित २० ओभरमा सबै बिकेट गुमाई १ सय ३३ रन जोड्न सफल भएको थियो । 

जसका लागि असिम गिरीले ३१ बलमा ५५ र रुपेश बस्यालले ३० बलमा २१ रनको योगदान दिए । राजापुर बलिङ्ग तर्फ अजय साहनीले आफ्नो ४ ओभर गर्दै ५ बिकेट लिए । १ सय ३४ रनको लक्ष्य पछ्याउने क्रममा राजापुर नगरपालिका ८५ रनमा अल आउट भएको थियो । राजापुरका सर्वाधिक स्कोर विनायक गिरीले २२ रन बनाएका थिए । राजापुरले ४८ रनले खेल गुमाउन पुग्यो । दोस्रो खेलको म्यान अफ दि म्याच असिम गिरी चयन भए छन् । 

सोमबार हुने पहिलो खेलमा बर्दिया क्रिकेट एकेडेमी (बी) र जनजागृति युवा क्लब खेल्दै छन । त्यस्तै दोस्रो चरणको खेलमा राजापुर नगरपालिका र कृष्णसार युवा क्लब बीच प्रतिस्प्रर्धा हुने आयोजकले जनाएको छ । मंसीर ८ गते देखि शुरु भएको बर्दिया कप क्रिकेट टी–२० प्रतियोगीता आउँदो मंसीर १४ सम्म चल्ने जिल्ला क्रिकेट संघ बर्दियाका सदस्य सिदार्थ श्रेष्ठले जानकारी दिएका छन् ।