मुरली गोडिया, १४ मंसिर, गुलरिया (बर्दिया) । बर्दियाको गुलरिया नगरपालिका स्थित कबर्ड हल खेल मैदानमा नवनिर्मित टेनिस कोर्टको उद्घाटन गरिएको छ । जिल्ला टेनिस संघ बर्दियाले आयोजना गरेको टेनिस कोर्टको उद्धघाटन गुलरिया नगर पालिकाकी नगरप्रमुख सावित्रा गौतम र टेनिस संघका पुर्व केन्द्रिय अध्यक्ष मनोज रानाले संयुक्त रुपमा खेल खेली उद्घाटन गर्नु भएको हो । 

गुलरिया नगरपालिका वडा नम्बर ४ मा रहेको खेल मैदानमा गुलरिया नगरपालिकाको १४ लाख आर्थिक सहयोगमा २ वटा टेनिस खेल्ने कोर्ट तयार गरिएको जिल्ला टेनिस संघ बर्दियाका अध्यक्ष दिपक शर्माले जानकारी गराउनु भयो । मानिस स्वस्थ्य हुनका लागी खेलको महत्वपुर्ण भुमिका रहने भन्दै सवै खेलका साथै बर्दिया जिल्लालाई टेनिस खेल मार्फत चिनाउने र खेलाडी उत्पादन गर्ने उद्धेश्यले कोर्ट तयार गरिएको शार्माले बताउनु भयो । 

विशेष गरि बालबालिकालाई लक्षित गरि कोर्टको तयार गरिएको र टेनिस संघ केन्द्रिय समिती मार्फत करिब १ लाख बराबारको बल, ¥याकेट लगायतको खेल समाग्री समेत प्राप्त भएको उहाँले बताउनु भयो । उद्घाटन कार्यक्रमा शुभकामना दिंदै गुलरिया नगरपालिकाकी नगर उपप्रमुख सावित्रा गौतमले बर्दिया जिल्ला खेलको सम्भावना बोकेको हुँदा टेनिस खेल मार्फत जिल्लाको नाम अन्तराष्ट्रिय स्तरमा पु¥याउन सफलताको शुभकामना दिनु भयो । 

जिल्लामा खेलका लागी जग्गा प्रसस्त मात्रामा भएकोले खेलाडी उत्पादन गरि अन्य स्थानमा समेत कोर्टको व्यवास्था गर्न सकिने गौतमले बताउनु भयो । शुभकामना मन्तब्य दिंदै गुलरिया नगरपालिकाका प्रमुख प्रशासकिय अधिकृत ओमकार शाहले केही समय पश्चात टेनिस खेलले बर्दिया बासीलाई शारिरिक, मानसिक एवं आर्थिक रुपमा समेत सहयोग पुग्ने चुरेकुञ्जलाई बताउनु भयो । विभिन्न खेलले विदेशमा समेत नेपालको नाम चिनाउने कार्य गरेको भन्दै जिल्लामा खेलाडी उत्पादन गरि टेनिस खेलले अन्तराष्ट्रिय स्तरमा नेपालीलाई पहिचान बनाउन सकिने बताउनु भयो ।